 |
| Pacquiao vs Margarito |
O ha, birthday ni tatay ngayon, at panigurado ako double celebration sya kasama ang mga sexy angels sa langit dahil nanalo na naman ang paborito nyang si Manny Pacquiao. Masugid na tagasubaybay ni Pacman si daddy noong nabubuhay pa sya - at talaga namang napapanganga at napapailag pa sya unconsciously habang nanonood noon na parang sya ang lumalaban.
Satisfied na raw si Pacman sa laban nya at hindi na nya kailangan si Mayweather (ang taray). Mangyayari nalang daw kung mangyayari talaga ang laban. At nagpromote pa talaga sya ng concert nya sa interview pagkatapos ng laban, lol. Next fight nya sya narin daw ang kakanta ng Lupang Hinirang. @_@
Saludo ako kay Pacquiao, eh ang angas talaga eh! Ang galing sa boksing! Pero mas bibilib ako sa kanya kung ibabahagi nya rin sa madlang pipol ang premyong salapi, tutal lagi naman nyang sinasabi na para sa bayan ang laban nya. Kapag namigay ng cash si Pacquiao sa madlang Pilipino - doon ako maniniwala na para talaga sa Bayang Pilipino ang laban nya. XD
Sumumpa pa naman si Margarito sa Mexico na iuuwi nya ang panalo. Kawawa naman ang Mexico, bugbog na bugbog na. Si Nacho Libre na lang kaya ang ilaban nila. XD
Isang masigabo at bumubulwak na pagbati para sa tagumpay ni Pacquiao, at isang maligayang kaarawan kay daddy sa heaven! XD
*******
Update: Sa isang banda, maswerte parin si Margarito dahil kahit nabugbog sya, nagawa parin nya ang isang bagay na matagal ng pinapangarap ng bawat Pilipino - ang makasapak ng isang congressman. Di ba? XD
